Gewoonlik is Januarie en Februarie daardie tyd van die jaar wat als doodstil is. Hierdie jaar was egter so besig dat ek nie tyd gehad het om my te roer nie!
Ananda van der Walt reël 'n kamp vir Dowes, en het my gevra om 'n briefhoof te ontwerp waarop al hul korrespondensie gedoen kan word. Hierdie kamp fokus op potensiaal, en ek het daarom ook sirkels in die ontwerp gebruik, wat dui op groei en vernuwing.
SAKOV, die Suid-Afrikaanse Kerkorreliste Verening het elke jaar 'n joernaal wat uitgegee word. Hulle het my vir hul 2013 en 2014 uitgawes gevra om die uitleg te behartig.
Dis altyd groot pret om 'n partytjie-uitnodiging te maak! Esri het 'n Minnie Mousie tema gehad.
TaxFAQ is 'n besigheid wat alle belasting en finansiële vrae aanlyn beantwoord. Hulle het 'n treffende en eenvoudige logo gesoek.